العــــــــراق وما ادراك ما العراق

أنكابر عالنـزف دمنه اشكثر طاح
ونشد اجروحنه بضحكات الاطفال

ولاهمنه الجـــرح مادمنه ماشين
أسود مجرحّــه وجن دمهه ماسال

مسحنه ادموع سوده بمجره الخدود
وصــور بالوان تزهي رسمنه بآمال

لبسنه ادروع صــلبه وننتظر سيف
ثلمنه السيف احنه بواقـــع الحال

ارامل نعم عدنه وعــــدنه أيتام
شظايا اطشروا بوجــــوه الانذال

شيوخ اتكاتفت حــد كطع الانفاس
مجد عله المجد لشــــموخ الجبال

دمار الوطن حوّل واحـــه من خير
وأرض خصبه انسـكت من دم الابطال

اصيل وبس تعّثر ســــابك الريح
نكت هدمه الوطن هد فارس وصـال

استحه التــاريخ منه شيكتب اليوم
طفل لاجل العراق اتكــطع أوصال

وندوس اعـله المنايا وننتظر موت
لأجل هذا الوطــن تتغير أحوال

شهاده من العــراق اشهد يتاريخ
درس هاي الشـهاده لكل الاجيال

حمل هذا الوطــن ماهدل اجتاف
نفذ منه الصــبر بس حمله مامال

ولأن بسم الوطــن تلكه التباشير
دفك هذا الكلـــب تلكاله تمثـال

دفك هذا الكلـــب تلكاله تمثال
مودتي