قصيده في حق امي ...........

قصيده في حق امي


اتمنى ان تنال رضاكم


...اريد اتعايد...



اريد اتعايد يا يمه اني وياج
وانطيج عمري فوك عمرج هديه..



مو كفايه ادري وحك الله قليل
ولو نطيتج الكون هم اكولن شويه


اندعيلج واكولن ياربي عمر اجديد
وتشوفين الكعبه وينادولج ياحجيه..


عسى الرحمن ينطيج التريديه
وانعيش اني وياج بالدنيا سويه..


اناني بحبج اني صدكيني يايمه
واريدج تعيشين بس اليه..


يا شجره وما نكدر نفاركج يوم
شمس تجوي وجواج فيه..


يا يمه لو رحتي عني شلون اشوف الناس
اذا انتي الناس كلهم يالمنبعج حنيه..


افرح تدمعين
ابجي تنوحين
جن اني بيج وانتي بيه..


يالبيج كل صفات الخير والطيب
اصيله وما تحب للناس البليه..


اتمنى اوفيج لو اصغر جزء
صدكيني ما ناسيهن افضالج عليه..