لو كلك احبــك لو احب كلــك ...

خلك ماصرت لوما خليلي تصير

وصرت خلي برضاتك جي صرت خلك

علمتك عليّ من الالف للياء

وتغلط بالاجابة واني اعدلّك

حرثت الخاطرك بالروح حرث الكاع

بوسات وورد كل خلكي اشتلك

شمعه انت بحياتي وعمري ضلمة ليل

شعلت روحي وخفت ماشعلك اشعلك

اخاف سنين عمرك تحترك بالشوق

اضملك كمت وك من عمري اعزلّك

عليك تسودنت مو بس اخاف عليك

احل روحي واكضك خايف اتحلك

واغمض من اشوفك واخدر ع الصوت

غلطة انت بحياتي وابد مازلك

جم ابليس اطرد من يوزني عليك

وجم شيطان ارجمه بعمري واشتلك

ماصيرن نبي بس راهب انه وياك

بأيات المحنة بشوك ارتلك

شلّي بغيرك انت والكى مثلك وين ؟؟

وتتعب تلكى غيري بهالتعب شلّك ؟

ياهو العلمك ؟ ياهو العلمك وتريد تمشي بعيد

سلّ الشوك خايف باجر يسلك

مثل ظلّك جنت بالخطوة نمشي اثنين

مشيت انت بظلام وضيعت ظلك

دليني عليك سنين تايه بيك

وامشي وياي يمي خاطر اندلك

عرفني على شخصك رايد احجي وياك

بس كلمة وبعد ماغيرها انكلك

وحده من الاثنين ووحده راح اختار

لو كلك احبك لو احب كلك

يسلمووو قصيدة جميلة

تسلمي ياورده ع الموضوع الرائع

منووووريــــن