من اروع كلمات الشاعر ايهاب المالكي
بعرش غدر الليالي مربعنه
الف صاحب شرينه مربعنه
سبب جرحك يگلبي من ربعنه
أبد ماللشماته جروح بيه
أبد ماللشماته جروح تذكار
فقط كلهن لربعي وياي تذكار
نويت أتركهم وكصيت تذكار
أسافر قررت بأول منيه
اسافر قررت من غير ماعد
وبعد مابيه أعد جروح ماعد
حچيت وضحت معناي ماعيد
أخاف أحچي وتفز جروح بيه
أخاف أحچي وتفز جروح جسره
أجس نبض برهاوت جرح جسره
جسر سويت للمهدوم جسره
على چتافي وزرع عبوات بيه
على چتافي زرع عبوات ثارن
صدك لاماعرفت أختار ثاران
انةردت من اليخون الزاد ثاران
ثار چتاف والكنا سويه
ثار چتاف والگناي ردن
حرب وليگعد بروحي يردان
أون بصوت وجروحي يردن
لحد ماوگعن عيوني بديه
لحد ماوگعن عيوني بجتله
واديه چم سهم منه بجتله
لون رب العرش يرضه بجتله
أسويهه واكتله بأبوذيه
اسويها واكتله بالسرانه
ودهن ماخلي حالف بالسرانه
بعدهن جاياته بالسره آنه
حكتهن بيت بيت بذني اديه
الأربعاء سبتمبر 23, 2009 10:11 am
