قصة سندريلا بت الحفافة بس محور هع تموت ضحك

وهاي قصة سندريلا بت الحفافة

جان يا مجان في عتيق الزمان من جانت لابتوب باربع جواري من الشام ومن جان البعير اسعاف
جانت اكو بنية صاكة حيييل اسمها سندريلا
وهي بيتهم بحي الامام وطلعت عليها الاغنية الشهيرة للفنان سلوان الجميلي يمه كرصتني العكربة طر طاره طره طاره
نرجع لسندريلا طبعا ماتت أمهة بالانفجار فابوها تزوج وحدة ولحظها التعبان طلعت وحدة شريرة فبعد ما مات ابوها استلم الحكم مرة ابوها وبده الحصار الاقتصادي على سندريلا وما كلتلكم مرة ابوها جانت تشتغل مترجمة ويه الامريكان هي وبناتها فسندريلا سايكين عليها بالبيت روحي جيبي الحصة روحي اتسوقي روحي جيبي الغاز روحي طلعي الجوازات روحي صعدي الجوزة مال المولدة
من غير شغل البيت المعتاد على نسوان حارة الضبع هي شتكللها مرة ابوها لو خواتها الغير الشقيقات الثلاثة تروح تسوي بسرعة ومتحجي لأن تجيها الشحاطة طايرة وبالمثلث فهي متكدر تحجي بس تقسّم عليهم بروحها وفد يوم وهي لازمة سره عل بانزين وبيدها الجلكان ابو 20 وهي وراجعة تدور بالمزبلة بلكي تلكه شي يسوه وهي تدور لكت فانوس ابو الكاز مزنجر وكاتله الوسخ فخلت ايدها عليه وكالت امسحه وانظفه وابيعه بسوق الحطابات جان طلعلها جني هي اخترعت عبالها طكت عبوة ناسفة لو فد شي وبعدين ظلت فاتحه حلقها وعيونها مترمش كالت شنو السالفة حتى الفانوس خليتوا بيه عبوة وشنو هذا الدخان لازم ما مجفّت هذا الفانوس فطلع الجني وطبعا هو من مشجعي برشلونة ولابس دريس مكتوب عليه ميسي
كللها شبيك لبيك عيدان بين ايديك
كلتله اريد الوطنية متطفي بعد لان المجمدة والثلاجة ماعن والحر كتلنه وكل شوية اروح اصعد الجوزة وجيب البانزين والدهن الخ ...

كللها بابا انتي مخبله اني بالكوه مطيني خط مولدة 2 أمبير بس مروحة وتلفزيون يشتغل

كلتله زيييين اريد قنينة متروسة من الشركة

كللها الجني انتي مخبلة شايفتني رابط الفانوس عل المطي واصيح غاز طلبي شي بيه حظ خلي ارج انام واباوع سبيس تون
كلتله هسه انته شتكدر تسويلي

كللها اني ادري بقصتج العاوية ويه مرة ابوج وخواتج فاني سمعت اكو حفلة مسويها حسام الرسام بيتهم لمن رجع من الامارات مو بيتهم هم بحي الامام!!
فانتي راح اخليج تروحين واجيبلج هدوم وامكيجج لا نهواي ناس راح تجي وبلكي واحد ينعجب بيج ويتزوجج لو يطلعوج بفيديو كليب والله كريم

كلتله موافقة بس شلون اروح هم ادكها مشي لو نركب بالكية ؟
كال مالج علاقة والله خبصتنه العوبة

بس ها اكلج على شغلة الساعة بالعشرة بالليل تخلص كروتج يعني ملابسج اتروح وميك اب وكل السوالف وتتحولين الى حقيقتج المتسولة ام بجامة مرقطة ولا تنسين ان ممنوع التجوال بالليل فتروحين شوية وترجعين تره ماعليه اني اذا لزموج الشرطة لو الامريكان
بدت الحفلة وشكو واحد لو وحدة بالحلة اجوا لبيت حسام الرسام لان خوش عشة مسوي
فحسام شاف سندريلا انعجب بيها شافها حلوة كلش وجسمها حلو يصلح للكليبات وجاية وحدهي كال هاي خوش صيده
منا حجاية منا حجاية اندمجوا الجماعة وكاموا ايردون صارت سندريلا اتكول سارية السواس من الردح ونست الوقت بنت المشوّه وراها باوعت للساعة شافتها عشرة الا عشرة كامت تكمز لأن راح تنكلب شاذي بالعشرة
جان تفلت وشردت بسرعة وحسام ورها يا معودة تعالي شنو اني غير فقر كل يوم مظروب بوري

ويه ما تركض سندريلا جان عثرت بكاشية وطار الحذاء مالتها وهي بقت عل المعدل مالتها مالفه اجه حسام اخذ الحذاء ولزمه بايده هو يباوع عل الحذاء وطبعا الحفلة وكفت وكل سكت ومندهش بهاي اللحظة ويشوفون حسام شراح ايسوي وطبعا موسيقى تركية مال نور ومهند مشغلين فوضع ماساوي جدا والكل الكامرات والقنوات تغطي الحدث بالبطانية

حسام شال راسه من الحذاء و باوع للناس فالكل انتبهت حسام ايريد ايكول شي والكل تترقب عن كثب

قال حسام :- الشركة العامة للصناعات الجلدية فخر الصناعة الوطنية العراقية وتميز بمجال المصنوعات الجلدية من الاحذية والحقائب والحفاظات بارقى الجلود مال الطليان حلة باب الحسين يم الشط عدل

شلون نهاية محزنة
م
ن
ق
و
ل

القصة تجننننننننننننننننننننننننننننننننننننننننننننننننننننننننننننننننننننننننننننننننن تسلم

تنسلمين ع المرور الرائع منورة وردة بين اخوانج

[color=darkred] ماتكلي مين حايب ها القصة ..
صير حكواتي مثل باب الحارة ..
قصتك طريفة .. حلوة حلوة ... حلووووووووة
اريدك انشط...[/color]

هههههههههههه
ان شاء الله اكون أنشط