لا تخليني وحيد وكلبي حاير // روووووووعة

السلام عليكم احبتي
يسرني ان اقدم لكم هذه القصيدة التي اعجبتني جدا جدا جدا
واضعها بين ايديكم صوتا وكتابة
وارجو ان تنال رضاكم

[ندعوك للتسجيل في المنتدى أو التعريف بنفسك لمعاينة هذا الرابط]

لا تخليني وحيد وكلبي حاير

لا تخليني وحيد وكلبي حاير .. كلبي حاير حبيبي كلبي حاير
لشوفتك مشبوح شوفي وعكلي طاير .. عكلي طاير يغايب عكلي طاير

إنته الحبيب الذي هيّمني بعيونه
وأبعد عليه وتركني وآنه مجنونه
هايم دليلي بغيابه وشغلته إضنونه
هجرك سبب نوحي
يا من ساكن بروحي
يا أغله من عيني يا مرهم على جروحي
غايب المهدي حبيبي وآني صابر.. وآني صابر وأتاني وآني صابر

لا تخليني وحيد وكلبي حاير .. كلبي حاير حبيبي كلبي حاير
لشوفتك مشبوح شوفي وعكلي طاير .. عكلي طاير يغايب عكلي طاير

يا شاغل إضنوني كلبي بحزنه خلّيته
إنته إللّي شوكي وغرامي ودمعي داويته
حبك يغايب عَلك بلروح شدّيته
وينك يماليني
وحشة بغربة سنيني
أبجي إعله هجرك حبيبي لا تخليني
عذّبت كلبي جروحي وآنه أكابر .. وآنه أكابر وأعاني وآنه أكابر

لا تخليني وحيد وكلبي حاير .. كلبي حاير حبيبي كلبي حاير
لشوفتك مشبوح شوفي وعكلي طاير .. عكلي طاير يغايب عكلي طاير

غايب نجم ليلي وآنه عيوني سهرانه
شله بحياته البحر لو غاب سفّانه
روحي بغيابك بجت بدموع حيرانه
حُبك شغل بالي
والباري أعلم بحالي
نايم جفن ليلي وآنه دموعي تبرالي
لو غرامك موت آني ليك أهاجر .. ليك أهاجر وأموتن ليك أهاجر

لا تخليني وحيد وكلبي حاير .. كلبي حاير حبيبي كلبي حاير
لشوفتك مشبوح شوفي وعكلي طاير .. عكلي طاير يغايب عكلي طاير

جنني هذا الغياب ودمعي تفسيره
وينك ينبض الكلب خليتني بحيره
حُبك ملكني وهويته وما ردت غيره
ساكن وسط جبدي
حبك غيره ما عندي
دمي بنبض كلبي يصرخ عاشك المهدي
إنته تصويرك مكانه بكلبي صاير .. بكلبي صاير يغايب بكلبي صاير

لا تخليني وحيد وكلبي حاير .. كلبي حاير حبيبي كلبي حاير
لشوفتك مشبوح شوفي وعكلي طاير .. عكلي طاير يغايب عكلي طاير

مع خالص تحياتي لكم

السلام عليكم

القصيده جميله جدا بارك الله فيك

تسلم حبيبي و
أخي الورد ع المرور
الجميل ولرد ألأروع منور

ياورد يامبدع ابدعتنا بمواضيعم الروووووووووووووووعه