صرت كلي كلوب من الجدم للراس ,,,,,,,,عبالي حبك ينقص اشويه,,,,,,,,,,,,,,,,,,,,,,
اشو زاد وصل حد شوف العيون,,,,,,,,,,وكمت حته من اغمض يغفه بيه,,,,,,,,,,,,,,,,,,
من ردت عينك والله شفت عيون
ومن ردت الوجه شفت الشمس طلعت
وردت الشعر راسا اجانه الليل
لان خافت شمسنا وبالعجل شلعت
اضـــــــــوك بعيني طيفك...من يمرني الطيف؟؟
واســـــركي اعيوني خافن ينسحب طيفك..؟
واحبسك بالنظر..جند الرمش حراس...!
مو لعبـــــــــة جهال وتطلع بكيفك
ردت ابجي بوداعك بس كلت هيهات
ما اطخ راس الك يمخيب ضنوني
سيطرت على دمعي وكتلك الله وياك
ماطاح الدمع بس طاحن عيوني
گبل چانت عيونك تشبه عيوني
و گبل حتى الطيوف العاشرت جفنك ....
نفسهه معاشرة جفوني
و گبل واحد حملنه ... و مو مهم لو چان
ينشال إعله متنك لو عله متوني
بدونك ما أعيشن لاتظن هيهات
مدري شلون حي .. و عايش بدوني .
كون البيك بيه .... وگلبك بگلبي
وخط واحد نهاية دربك ودربي
كون الگه وفة الطيبين بعيونك
وأگولن قدرت تعبي
چا ضحيت هالعينين ... وحده أبچيهه إلك
و الثانية لربي ...
لاموني إعله حبك رادو أنساك
گالو غيره باچر تهوه و توادد
و گالولي النجوم هواي حلوات
گلتلهم صدگ ... بس الگمر واحد ...
أغار إعليك من كلبي والعيون ..
لذلك آنه حاير وين أشيلك ..
وحقي ماأجيلك آنه معذور ..أغار إعليك مني وما أجيلك ..
_________________
من كد ما حلو محد مشة وياك ..
وألماشاك هم ما ظل يماشيك ..
إهو ماشاف دربة إتعثر وطاح .. لإن كضاها بس يعاين إعليك !!
_________________
أحبك حب ولا مر إعلة أنسان ..وتدري أشكد أحبك راح أفهمك ..
إحلمت آنة بالجنة وأنتة بالنار ..
أكفر كمت حتة أنتقل يمك !!!
_________________
مو بس آني أذوب وأخدر إعليك ..
إمن أحلم بيك حتة فراشي يخدر ..
منو ألكال ألكمر يفتر على ألكاع ..
ألكمر شافك وداخ وكام يفتر
_________________
قشمروني وجان ظنهم قشمروك __ وغلطو أكبر غلط شي ما فكرو __ عود باعوني وعلى عنادي أشتروك __ وأنتة آنة إذن هم أتقشمرو
_________________
على نار أنتظر ومتاني ألأحباب __ وإندك باب بيتي وألكلب ذاب __ إطلعت للباب عود ألباب أفتحة __ لكيت ألباب طالع فاتح ألباب
_________________
يل رحت زعلان من عندي ومشيت ..
إعذرني جي خليتك بزعلك رحت ..
لأن مالحكت اكلك لاتروح ..
بس ثكل وجهك علي آنه طحت ..
_________________
جم محب حاول كدر ينسه الحبيب ..
وآنه من أنساك اظل دايخ عليك ..
إنت حبك يختلف فد شي غريب ..
حته نسيانك حلو يذكرني بيك
_________________
عذاب البرزخ آنه تعذبت بيك ..
ولكن بالكلب ظل حبك إيزيد ..
وإذا كالولي عوفه وجنه ننطيك ..
أريدن برزخك أي جنه ماريد ..
_________________
عليك الكلب ثابت قفل مقفول ..
وأموت وما أدور عن بديلك ..
ماحب الصلاه بس كمت أصلي ..
أصلي لخاطرك حته أندعيلك ..
يالجمالك بالمدارس درسوه
والصفوف انترست بحبك ترس
ورسبوا الطلاب كلهم بالأخير
خلصوها استاذ عيدنا الدرس !!
ما ادري شوگع من انت مريت ادور ماكو شي طايح عليه
من گد ما دخت من شفتك تفوت ثاري انا الطحت ما ادري بيه
كلش مو طبيعي ودخت كلش بيك
وداخت من حجيت وياك كلماتي
بحلاتك سيدي وينگالك مولاي
من گد ما دخت گتلك يمولاتي
شفتك غمضت عيني بعد ما اشوف
درت وجهي صفح شافتك ذاناتي
القناعة اتضيع مني امن التقي وياك
اوعيني الشوفتك ما عاد تكفيني
ولان يرادلك عين ابكبر بغداد
راح ابأيدي اوسع خارطة عيني
هاك الروح اخذهه وانه ممنون
وماانطيك عيني ومااعوفك
مو بخلن ابعيني وشنهو العيون
اذا انطيك عيني اشلون اشوفك
الخميس ديسمبر 10, 2009 8:04 am
![[اياد]](https://2img.net/u/1311/23/08/22/avatars/22-31.jpg)
