خلك ماصرت .لجبار رشيد

خلك ماصرت لو ما خليلي تصير وصرت خلي برضاتك جي صرت خلك

علمتك علية من الالف للياء تغلط بل اجابة وانا اعدلك

حرثت الخاطرك بروح حرث الكاع وبوسات ورد كل عمري اشتلك

شمعة انتة بحياتي وعمري ضلمة لليل شعلت روحي وخفت ماشعلك اشعلك

خاف سنين عمرك تحترك بشوك اضملك كمت من عمري اعزلك

وعليك تسودنت مو بس اخاف عليك وحل روحي وكضك خايف تحلك

وغمض من شوفك واخدر على صوت غلطة انتة بحياتي وابد مازلك

جم بليس اطرد من يوزني عليك وجم شيطان ارجمة بعمري وشتلك

ماصيرن نبي بس راهب انا وياك بايات المحبة بشوك ارتلك

وشلي بغيرك انتة والكة مثلك وين وتتعب تلكة غيري بهل تعب شلك

ياهو العلمك وتريد تمشي بعيد سل الشوك خايب باجر يسلك

مثل ضلك جنت بل خطوة نمشي ثنين ومشيت انتة بضلام وضيعت ضلك

دليني عليك سنين تايه بيك ومشي وياي ادورك خاطر اندلك

عرفني شخصك رايد احجي وياك بس كلمة وبعد ماغيرها انكلك

وحدة من ثنين او وحدة راح اختار لو كلك احبك لو احب كلك

اسال ليش احبك حتى اكلك ليش وليش شما تسوي وياي اقبلك

لحضة موت عمري سنين كلهن خوف بس وياك اامن لمن اوصلك

وانتة اخر نفس وشكد عزيز تصير وبلحضة الموت تريدنة انملك

خيط على جرح بلحم صرت وياي لو كل جروح اطيب مافلك

تعرف كلشي بية وماعرفت اشبيك لغز حلك لغز من يكدر يحلك

وشرد حتى اجيك ومدري ليش الخوف خاف تخاف مني بسدك اختلك

مثل ضلك اضل ولليل يكضي الليل من تطلع شمس من طولك انزلك

*****

قصيدة ولا أروع عاشت ألأيادي حبي
كولش حلوووة